حكــاية قصيــرة ❥

هذا صباح العِشق ، و ثرثرات قلب ،
صباحكم حُب

اصعب لحظه عندي
اصحي غادة من النوم
خيشة نوم :/
و الاصح خياش نوم

من يشتري ؟!

ماما ماما

ماما ماما ماما

ماما ماما

ماما

ماما ماما


هذا الزن اللي اكرهه
كل شي تقوله لازم قبله ماما
قبل شوي قلت بشرب مويه قبل اطلع

و استلمت ماما ماما ماما
الين شرقت خخخ


ما ابالغ لو قلت بين كلمة و كلمة لازم تقول ماما خخخ

الله يصلحها بس

لكن الصباح جميل بغادة و الا بدونها

و الحُب هنا ،،
مافي اجمل من جو الطايف و اهل الطايف
الاجواء جميلة و امطار ، و انا و بنتي ما شفنا خير جالسين تحت المطر

الصباح امنيات اطفال ،
من برائتها ، ودك تحققها ،،

صباحكم نور

جو جميل و امطار و انا جالسه ف نص المطر و مستكنه
بس لازم تجي غادة تسوي اكشن خخخ
كذا انا رايقه فجأة تقولي
ماما الذبابين اذا جا مطر وين تروح <- جمع ذبابة خخخخ
فجأة خرب جوي و قمت اتخيل وين تروح الذبابين خخخ

مدري ليش تكرر كلامي

غير هالمدونه عندي مدونتين صغار
وحدة للكشخه و الثانيه للشخابيط ..
كل شي في الحياة اكتبه فيها .. كتابات و الا اهداف و خطط كل شي كل شي .. حتى غادة تكتب لي فيها

اما الكشخه ..
الحلو فيها انها بالتوايخ و الايام ..
يعني كل شي ابي اسويه اكتبه فيها يوم بيوم
و احس بالانجاز لما احقق لو ٧٠% منها
شهر ابريل اكتشفت اني ما كتبت و لا شي فيه
عشان كذا كنت احس نفسي ضايعه ملخبطه
و الحين بلحق على شهري شهر مايو
هالشهر انا احبه حب عجيب له مكانه خاصه
اول شي انا ولدت ف هالشهر لازم حتى انتو تكونون ممتنين له لانه عرفكم علي خخخ و شفتو هالنادرة العجيبه خخخ
و كل الاحداث الجميله تصير لي فيه
مثلا انا توظفت ف هالشهر .. ممم و سويت العمليه فيه
احبه و بس

امم كنت بوريكم كيف صفحاته من جوا



كيوت صح

شي جميل ترتب ايامك ترتب افكارك
و تحس ب الانجاز لما تحقق جزء لو بسيط من اللي كتبته

لا تقولون نكتبه بروسنا ما يحتاج ورق ،،
بقولكم جربو و تشوفون الفرق ..
احس الليله ودي اسهر على دفاتري مع الجو الحلو

بس خلص كلامي

الحياة جميلة
عيشوها بكل تفاصيلها الحلوة
آمنوا بأن ما اصابكم خير ، و أن القادم مذهل
الانسان كتلة مشاعر و هو بنفسه يرتبها زي ما يحب
صحيح في ظروف خارجة عن إرادته ممكن تكدر عليه
لكن بقوته و إيمانه يتغلب على هذي الظروف
دائماً تذكر من هم اقل منك ، تنعم بالنعيم اللي حولك

صباحكم راحة